Жаңа 500 теңгелік банкнот: не білу керек?

Қазақстанда «Сақ стилі» сериясындағы номиналы 500 теңгелік жаңа банкнот айналымға шығуда — бұл ресми төлем құралы болып табылады.

Банкноттың түпнұсқалығын тексеру үшін мынадай белгілерге назар аударыңыз:

• Сипап көргенде бедерлі элементтер сезілуі керек.
• Жарыққа тосқан кезде қорғаныш жібі тұтас бір сызық болып көрінуі тиіс.
• Банкнотты еңкейткен кезде өзіне тән көгілдір әсер пайда болуы керек.
• Жарыққа тосқан кезде номиналы көрсетілген су белгісі айқын көрінуі тиіс.

Ескі 500 теңгелік банкноттар айналымда қалатынын және 2027 жылғы 24 желтоқсанды қоса алғанда, барлық жерде қабылданатынын білу маңызды — оларды қабылдаудан бас тарту заң бұзушылық болып табылады.